BALADA RAGAPADMI
Dening : ET Jatmiko
Dening : ET Jatmiko
Sira dewi Ragapadmi
Kenya weweg sulistya ing warni grana rungih
Mripat alindri-lindri mangkana dadi pangawak bethari
Lha, punika ta wau dewi Ragapadmi
Kena lelara kang nggegirisi
Awak sakojur ano-anda trasi rama sungkawa, ibu ngenes ati
“dhuh dewa, paringana usada
Lan kanugrahan mring kang badan amba
Sambate Ragapadmimlas asih
“wau ta sang nata binathara
Nitahken abdi dalem kang kalem
Bangsacara ngaran dalem
“sira Bangsacara kang setyatuhu
Ragapadmi sun pasrahake melu
Rumaten nini putraku”
“adhuh gusti”, jelih-jelih
Bangsacara sendika, ajrih”
Lha lajeng kepripun malih?”
Oh dewa kang minulya
Ragapadmi antuk usada bali weweg sulistya
Tinebihnamemala
Lan elinga marang Kang Murbeng Bawana
Wau ta Bangsacara – Ragapadmi
Wis urip bareng saresmi
Kang aprasetya tumekeng pati
Pepalang mbebayani katrajang wani
Wau ta Bangsapati
Ingutusnggawe paeka akal bulus
Njaluk dewi Ragapadmisaranta alus ngerah
Bangsacara dimen lampus
Kocapa Bangsacara ing Mandangin
Bebedhag menjangan telungatus
Ingkang ingutus putih akal bulus
Tan weruh bilahi sangkaning
Njrebabah sida andhepani bumi
Bangsacara nemahi pati
Dening ki patih titisane Sengkuni
Oh dewi Ragapadmi, ….
Sumusula maring rakanya
Suduk salira bela palastra
:makaten wau ujaring kandha
(Panyebar SemangatNo.35, 29 Agustus 1987)
0 komentar:
Posting Komentar