Ayo Gotong Royong
Dening : Sdwijosusastro
Kembang-kembang
terong
Mbang
terong megare sore
Ayo
gotong royong
Gotong
royong nyambut gawe
Mbang
lembong dironce-roce
Ayo
gotong royong
Guyup
rukun kabeh wargane
……………………………
Wus dadi kodrate
Manungsa mono tan bisa urip dhewe
Saka lahir prapteng patine
Tansah gumantung sapepadhane
Mula, urip gotong royong kang pinatri ing telenging
nala
Tindakna ywa nganti kepeksa
Kudu lila legawa
Sepi ing pamrih rame ing gawe
Iku semboyane
Mempeng makarya kiwakna
pepulih
Murih salwiring gati
Titi tamat telas lulus basuki
Kabeh pakaryan linakwan
Kanthi seneng ulat padhang
tan nggresula
Urun bau suku, penggalihan,
apadene redana
Kanthi dhasar karukunan
Mahanani bebrayan kang tata
tentrem karta raharja
Sengkut Gumregut
Dening : Sdwijosusastro
Sengkut Gumregut
Dening : Sdwijosusastro
Langit wetan sumamburat abang
Trontong-trontong sang bagaskara ucul saka
gendhongane jagad
Embun esuk lir mutyara rinonce
Angawe-awe manembrama tekane dina anyar
Nalika sang surya mancati tataraning langit
Kapyarsi dara muluk angaluk-aluk
Celuk-celuk warga desa Punthuk
Murih padha mlumpuk ing bambinging gumuk
Selur andalidir lir sela blekithi
Lumampah datan
ana pedhote
Pacul, arit, dhandhang, linggis
Wus samekta ing asta
Gya makarya saiyeg saekapraya
Sengkut gumregut tumandang kardi
Nambak-nambal setu banda kang ambrol
Tangan-tangan prakosa kinanthen tekad waja
Linambaran sesanti Sepi ing pamtih rame ing
gawe,
Holobis kuntul baris
Pakaryan abot lan nglengkara
Dadya nyata
Setu banda wus kabanda pengkuh kukuh bakuh
Ndandani kretek
Ndandani kretek
Dening : Nur Rahmawati
Dina minggu aku sakanca pada saiyeg saeka praya
Nggawa pacul, ekrak lan sapu sada
Anyengkuyung para warga
Tuwa enom jaler lan estri
Kabeh warga padha kerja bakti
Kretek rusak den dandani
Gotongroyong saekta kapti
Dina minggu aku sakanca pada saiyeg saeka praya
Nggawa pacul, ekrak lan sapu sada
Anyengkuyung para warga
Tuwa enom jaler lan estri
Kabeh warga padha kerja bakti
Kretek rusak den dandani
Gotongroyong saekta kapti
Gumregah
Dening : Tiyasti
Tekamu
tanpa rupa
Tanpa
wacana
Nanging
mung kanthi swara
Kekuwatanmu
tan kena kinira
Gawe
manungsa tan bisa suwala
Lindhu
gedhe duk rikala samana
Gawe
atising nala
Ora
cilik ora gedhe, ora tuwa
Ketiban
rubuhe griya
Sing
dinulu mung raga tanpa nyawa
Tangis
lan sambat tanpa guna
Awit
kabeh wis sunyata
Dadi
kersane Kang Maha Kuwasa
Para
sedulur ing Bantul kang sutresna
Ayo
padha cancut taliwanda
Gumregah
mbangun desa saiyeg saeka praya
Percaya
yen petenging jagad iku
Mesthi
ginanti padhang jingglang
Kang
agawe tentreming manungsa
(DL.
No. 28, 9 Desember 2006)
0 komentar:
Posting Komentar